قلبي يبكــي

اصعب شئ علي قلوبنا هو الفراق,مش بس فراق اشخاص عزيزه عليك

لكنه فراق أهلك وأصحابك وكل اللي عشت معاهم اجمل ايامك.وللاسف بنحس

ان قلوبنا بتقطع من جوانا خصوصا لو حسينا ان خلاص كله بيفترق عن التاني

وان الفاضل بس هي الذكريات ,لما نلاقي نفسنا خلاص هنكون لوحدنا

ساعتها بنحس بنار في قلوبنا بتكوينا وبنحزن اوي,عن نفسي قاسيت كتيرلأن الناس العزيزه عليا

فارقتهم وفي منهم كمان هيفارقني ويا عالم هقابلهم تاني ونرجع زي زمان ولا لا

بنقابل ناس وبنفارق ناس بس اه لما يغيبوا عنك اعز الناس واعز اصحابك .

اصعب شئ لما تبص تلاقي نفسك لوحدك مفيش حد حواليك محتاج للحظات الود

والدفا ومتلاقيهاش تحس ان حياتك فاضيه جافه ملهاش اي قيمه ,تلاقي كل اللي بتحبهم

مش جنبك سواء بأرادتهم او لا لكنهم بعدوا عنك.

يارب صبر قلبي علي فراق كل الناس الغاليه عليا واكتبلهم ما فيه السعاده